Туған елдің тарихына аса қызығушылық танытатын талантты оқушыларды анықтау мақсатында жас тарихшылардың «Менің кіші Отаным» интеллектуалдық конкурсының облыстық кезеңі болып өтті.  Конкурсқа ауданнан төрт номинация бойынша 9 сыныптан 2 оқушы, 10 сыныптан 2 оқушы  қатысты.  

        Конкурстың бірінші кезеңінде қатысушылар Қазақстан тарихынан тест тапсырмаларын орындаса,   екінші кезеңде төрт номинация бойынша жұмыстарын қорғады. Конкурс қорытындысында «Менің кішкентай Отанымның болашағы» номинациясы бойынша Владимир Савва атындағы №9 мектеп- лицейдің 10 сынып оқушысы  Жұмабек Олжас ІІ дәрежелі дипломмен, «Менің кішкентай Отанымның тарихы» номинациясы бойынша Темірбек Қожакеев атындағы №39 мектеп- гимназиясының 9 сынып оқушысы Сулейман Диана,  «Менің туған өлкем» номинациясы бойынша №5 Ақарал мектеп- гимназиясының 9 сынып оқушысы Қыдырбек Айсезім ІІІ дәрежелі дипломмен марапатталды.   Ал «Кішкентай Отанымның символы» номинациясы бойынша Владимир Савва атындағы №9 мектеп- лицейдің 10 сынып оқушысы  Жақсылық Диана Алғыс хатқа ие болды.  

Жеңімпаздарды құттықтаймыз!